புத்துலகக் கோட்பாடு

புத்துலகக் கோட்பாடு

"புதியதோர் உலகம் செய்வோம்"- சொன்னவர் பாவேந்தர் பாரதிதாசன்.

"எப்படி செய்வது" என்னும் சிந்தனையில் உருப்பெற்றதே புதிய உலகத்தின் பூபாளம்.புதிய பார்வை பார்க்கப் பழகி, புதிய வாத்தைகளால் பழையவற்றை இடப்பெயர்ச்சி செய்து, புதிய அணுகுமுறைகளால்- புதிய வாழ்வைத் தொடங்கும் உலகமே புதிய உலகமாகும்.

இந்தப் புதிய உலகில் வாழும் எந்தவொரு மனிதரும் புதியவராகவே பரிணாம வளர்ச்சி பெற்று உயர்நிலையில் அமர்வர்!

பயன்: பழைய பதிவுகளும் அதனால் உருவாகும் மனமும் குறுகி விட்டதாலும் - இறுகிப் போனதாலும் வாழ்வின் ஆனந்தம் காணாமல், ஏதோ சில பழக்கங்களுக்கு அடிமையாகி- அல்லாடிக் கொண்டிருக்கும் மானுடம் - விட்டு விடுதலையாகி - ஆளுமை பெற்று என்றென்றும் நிலைக்கும் நிரந்தர ஆனந்தம் பெற்று அமைதி காண்பதற்கான உலகமே புதிய உலகம்!

இதையே "பழையன கழிதலும்- புதியன புகுதலும்
வழுவல கால வகையினான" ... என்கிறது தொல்காப்பியம்!

இங்கே, அலுப்பும் - சலிப்பும் - வெறுப்பும் - விரக்தியும் இருக்காது. மாறாக
ஊக்கமும்-உற்சாகமும்-குதூகலமும் பொங்கும் அன்பு மனமே மிஞ்சும்
ஆதலினால் இங்கு ஆனந்தமே தங்கும்!

கொண்டாட்டம்: கணந்தோறும் போகி! ஒவ்வொரு கணமும் பழையன கழிய, புதியன பார்க்கும் மனோபாவத்தை வளர்க்கவே இந்த கொண்டாட்டம்.

ஒவ்வொரு கணமும் - புதிய மனம் கொள்வோம் !
புதிய மனக்காரர் ஒவ்வொருவரும்- புதிய மனிதரென்போம்!!
புதிய மனிதர் வாழும் புவியே - புதிய உலகமென்போம்!!!